Зялёныя велікодныя яечкі ў гняздечку з галінак

Пра тое, як дамагчыся такога прыгожага смарагдава-зялёнага колеру яек без хімічных фарбавальнікаў, мы даведаліся чыста выпадкова. Немагчыма маўчаць – таму расказваем, як гэта выйшла.

І гэта праўда, проста цуд. Гэтыя яйкі спярша былі афарбаваныя моцным растворам каркадэ, пасля чаго яны сталі ненасычанага фіялетавага колеру.

Важная заўвага: афарбоўвалі такім чынам мы толькі перапёлчыны яйкі.

Побач у рондалі запарвалася традыцыйнае цыбульнае шалупінне – дадалі пару лыжак ягонага адвара ў настой каркадэ (не вымаючы яек). Патрымалі паўгадзіны ….. і аказалася, чырвона-карычневы + фіялетавы = насычаны цёмна-зялёны!

Пацёртасці зробленыя наўмысна – мы пацерлі губкай толькі вынятыя з рондаля яйкі.

Такія прыгожыя велікодныя яечкі будуць прыгожа глядзецца ў гняздзечку з бярозавых галінак, якое лёгка можна вырабіць самастойна. Гняздзечка змясціце ў керамічную міску белага або крэмавага колеру.

Выдатна дапоўняць любы велікодны дэкор галінкі з маладымі вясновымі лісточкамі – і гэты не выключэнне.

З надыходзячым светлым святам Вялікадня вас!

(c) ALOVAK

Раскажыце сябрам

Отправить ответ

Пакіньце першы каментар!

Leave a Reply

  Падпісацца  
Паведаміць пра