Жаночыя сумкі ад беларускіх дызайнераў

Сказаць, што ў Беларусі шмат майстроў, якія ствараюць дызайнерскія сумкі, дык гэта нічога не сказаць. Іх сапраўднае мноства! Сумкі майстры вырабляюць са скуры, тэкстылю, дрэва і эпаксіднай смалы, вяжуць і плятуць, а таксама распісваюць і вышываюць! Мы паспрабуем стварыць падборку самых адметных мадэляў сумак ад нашых вытворцаў, не ўлічваючы хіба шопераў і авосек, бо гэта матэрыял для асобнай гісторыі.

А ці трэба казаць, што значыць для жанчыны сумка? Сумка – гэта цэлы свет, не менш! Таму абірайце сабе свой свет і дасылайце спасылку тым, ад каго чакаеце падарунак. Таксама ў многіх майстроў ёсць падарункавыя сертыфікаты – карыстайцеся імі, калі не да канца ўпэўненыя, якая мадэль падыдзе жонцы, маці ці сяброўцы. Ну што, паехалі?

@artbags.by

Мастачка Ірына Дзёміна стварае аўтарскія творы са скуры ў адным экзэмпляры.

@bags_by_less

У гэтага брэнда шмат цікавых скураных мадэляў сумак з драўлянымі бакавінамі, спражкамі ды іншымі адметнымі дэталямі.

@mrs.bag

Торба цікавай формы, якую яшчэ называюць савой, бутэлечніцай ці нават алкагалічкай!

@feelingtrees

Сумкі са скуры і дрэва ды яшчэ з раслінамі ў эпаксіднай смале – гэта спраўдны мікс усяго прыгожага ў адной сумцы.

@aptieziev.store

Дызайнер Апці Эзіеў вядомы сваімі сумкамі з клёпкамі, але мы абралі для падборкі больш стрыманую мадэль.

@killtoday

Паспяховы брэнд Міланы Хасіневіч, якая праславілася сваімі торбамі з вушкамі-крылцамі і цяпер выпускае шырокі мадэльны шэраг жаночых сумак для пакупніц з вытанчаным густам.

@innaprinz

Калі брэнд выпускае сумкі і рамні, то чаму б на самой сумцы не завязаць рамень?

@maniere.studio

Аксамітная сумка з ручной вышыўкай і вінтажнай фурнітурай – адна з цэлай калекцыі рыдыкюляў Мaniere.studio.

@mashkova.by

Ганна Машкова заснавала брэнд Mashkova.by ў 2018 годзе, а цяпер разам з мужам Анатолем яны ствараюць colorblock сумкі і аксэсуары, якія раскупаюцца як гарачыя піражкі.

@olshuk_natalya

У Наталлі Альшук цікавы мікс скуры і вязанай пражы, які добра глядзіцца нават на фоне міксу шкарпэтак!

@nikitakozlov_bags

У Мікіты Казлова свая маленькая вытворчасць сумак з новымі мадэлямі кожны сезон.

@voodoo.paperbag

Брэнд стварае сумкі з папяровай скуры, а на іх малююць мастакі. Гэтую мадэль распісала беларуская мастачка Надзя Бука.

@baskanci_by

Сямейная майстэрня BASKANCI робіць цікавыя сумкі і аксэсуары з натуральнай скуры.

@holywool_bags

Гэтыя торбачкі з грудзямі – сапраўдная фішка брэнда! А фон! Які фон!

@sadovska.by

Cумачкі з фермуарам – слова ж якое чароўнае! Аказваецца, фермуар – гэта такая зашпілька з дзьвюма перлінкамі, якая замыкае рыдыкюль – яшчэ адно чароўнае слова з водарам Францыі!

@gryshel_

Сумкі ручной работы з італьянскай скуры, лукі з сумкамі ў лонданскім фэшн-часопісе – усё гэта пра Грышэль.

@ant.design_

Майстар робіць не толькі такія цікавыя сумкі-карціны, але і клатчбукі – клатчы ў форме кніг!

@verzasko

Тут сумкі са скуры ручной работы – ніякіх машын! Затое шмат аксэсуараў.

@pankovec_bags

У профілі майстра Панкаўца напісана, што ён “швея-пацан”. Але ў беларускай мове ёсць два словы: фемінітыў “швачка”, які абазначае жанчыну, што шые адзенне з тэкстылю, і маскулятыў “шавец”, які абазначае мужчыну, што шые абутак са скуры. Яшчэ ёсць кравец і краўчыха, датычныя больш да стварэння адзення. А якое слова лепей ужываць да тых майстроў, што шыюць сумкі, цяжка сказаць. Пэўна, дызайнер)))

@lulamay.bags

Дызайнерка Ксенія Лоік цяпер ва Ўроцлаве, але прадае сумкі па ўсім свеце. Мяжа не праблема!

@stefi_bag

Прыгожыя рыдыкюлі і стылёвыя сумачкі з налётам вінтажнасці.

@grays_ly_leather

Гэты майстар робіць вырабы са скуры ўжо больш за 15 гадоў, дае майстар-класы і можа зрабіць любую рэч на замову, напрыклад, такую торбачку ў стылі боха.

@nikolaypolivkin

Аўтарскія торбы гарадзенскага майста Мікалая Паліўкіна самых розных формаў часам можна набыць у крамах падарункаў, але лепей замаўляць наўпрост у майстра.

@novich_bags

Сумкі ручной працы з драўлянымі, вязанымі і скуранымі элементамі самых розных формаў і памераў.

@bagira_homedecor

Незвычайная сумка-пельмешка надасць вобразу пэўнай гуллівасці.

@bags_with_love_minsk

Круглыя вязаныя торбы са скуранымі элементамі самых розных колераў.

@o__kaza

Майстрыца Вольга Казаноўская стварае і вучыць рабіць цікавыя сумкі з дрэва і нітак, а таксама ўпрыгожваць іх рознымі выявамі.

@veron.accessories

Сумка-вядро – гэта не самая папулярная форма сумкі, але яна можа быць зручнай, калі вы не носіце ў сумцы альбомы для малявання.

@julia_vasilevskaya

Плеценыя торбы, кошыкі і капелюшы Юліі Васілеўскай створаны, хто б мог падумаць, з папяровай лазы!

@sidoruk.viktor

Сумка з бамбуку і драўляных бакавінаў – такія робіць майстар Віктар Сідарук.

@s.v_bags

Цікавая торбачка ад майстрыцы Валерыі, якая вяжа іх са жгуту.

@voliechka_piletskaya

Арт-сумка, якая прайшла роспіс па матывах маляваных дываноў і паказы на Belarus Fashion Week.

@anastasia.hudach

Цікавыя торбы з вязаных элементаў і пласцінаў з аргшкла з празрыстым дном робіць Анастасія Гудач.

@naked__skin

Гэтую торбу-малышку можна насіць і цераз плячо, і на поясе, але ў брэнда маюцца і паўнапамеравыя мадэлі.

@mymoon.by

Гэты брэнд выпускае не толькі ўласную калекцыю сумак, але і можа зрабіць шэдэўр паводле вашых накідаў на замову!

@mimihandmade

Гэтыя торбачкі можна ўжывую памацаць беларусам Літвы, а замовіць – хоць з усяго свету.

@_shiny_style_

Гэтая малютка – ідэальная для самага важнага: памады, тэлефона, ключоў і картачак.

@kozhanaya_lavka

Цудоўныя сумкі-бананкі з ручной вышыўкай-арнаментам – майце на ўвазе, што шыюцца і вышываюцца яны пад замову, то паспяшайцеся!

 

Калі мы абмінулі ўвагай нейкі цікавы беларускі брэнд ці майстра, які робіць адметныя сумкі, дасылайце нам спасылкі на іх у каментарах – мы дадамо іх у калекцыю!

 

P.S. Дзякуем нашым чытачам, што дасылаюць нам спасылкі на сумкі, вартыя быць уключанымі ў нашую падборку!

@antonejj_leather

Партфель з італьянскай скуры цалкам ручной працы ад брэсцкай майстэрні:

@urban_kraft_bags

Сумкі з крафтавай скуры, трывалыя і вільгацеўстойлівыя, нягледзячы на папяровы выгляд.

@drazdovskybrand

А гэтая сумачка 2 ў 1: унутры кубіка яшчэ ёсць невялікая кросбодзі-сумачка з ланцужком!

@woodbag.s

Вышыўка на драўляных сумках цікавай формы – што можа быць арыгінайльнейшым?

 

(С) ALOVAK

Раскажыце сябрам

Отправить ответ

Пакіньце першы каментар!

Leave a Reply

  Падпісацца  
Паведаміць пра