Даведайцеся больш
Гэта арганізаваная творчай камандай часопіса АЛОВАК супольная прадметная здымка вырабаў ручной работы ад розных майстроў. Падобныя калабарацыі ўжо даўно існуюць паміж фэшн-дызайнерамі, а вось у сферы Art&Crafts у Беларусі нічога падобнага няма. І мы вырашылі гэта выправіць!
Мы прадумалі ўсе рабочыя працэсы, улічылі ўсе нюансы сумеснай прадметнай фотаздымкі – і цяпер гатовыя прапанаваць ВАМ паўдзельнічаць у #фотадзень_ад_ALOVAK.
Новы фотадзень адбудзецца 27 верасня.
Колькасць удзельнікаў абмежаваная (5-8 майстроў, у залежнасці ад абранага імі пакета).
Запоўніце заяўку, нават калі вы не можаце ўдзельнічаць у гэтую дату, каб трапіць у ліст чакання.
перавагі фотадня
✔ Вы атрымаеце якасны гатовы кантэнт і прафесійныя здымкі вашых вырабаў
✔ Вашы вырабы трапяць у стужку @alovakmag (а гэта амаль 9 тысяч аматараў ручной работы ў Instagram)
✔ Вы атрымаеце досвед плённых калабарацый з калегамі
І ўсё гэта па кошце, значна ніжэйшым за індывідуальную фотаздымку з фатографам у студыі!
Запоўніце заяўку, нават калі вы не можаце вызначыцца з датай удзелу, каб трапіць у ліст чакання.
Адметнасць фотадня ў тым, што мы ствараем кампазіцыі з вырабамі розных майстроў і фларыстаў у адным кадры, акцэнтуючы ўвагу то на адным вырабе, то на іншым. Па выніку вы атрымаеце заяўленую ў абраным вамі тарыфе колькасць апрацаваных здымкаў з вашымі вырабамі.
У залежнасці ад абраных пакетаў у адным фотадні можа ўдзельнічаць ад 5 да 10 майстроў. У выпадку, калі з нейкай прычыны не назбіраецца мінімум 5 майстроў на пэўную дату, мы вернем вам перадаплату ці перанясём вашу здымку на іншы дзень.
Мы намагаемся аддаваць гатовыя фотаздымкі як мага хутчэй, але не пазней чым праз 10 дзён пасля здымкі. Адзначым таксама, што мы аддаём толькі адабраныя і апрацаваныя фатографам кадры. Зыходнікі мы не высылаем.
Вырабы, якія будуць удзельнічаць у здымцы, трэба прывезці ў лакацыю, дзе будзе праходзіць фотаздымка – час і месца мы агаворым з вамі пры афармленні заяўкі.
!Важна не спазняцца! Іначай мы проста не паспеем адзняць вашыя вырабы.
Так, магчыма дамовіцца пра папярэднюю (да даты здымкі) перадачу вырабаў у Мінску ці на перасылку Еўрапоштай (за кошт майстра). Абавязкова пазначце неабходнасць папярэдняй перадачы вырабаў у заяўцы, і мы з вамі звяжамся абмеркаваць такую магчымасць.
Забраць вырабы пажадана ў дзень фотаздымкі.
Магчыма дамовіцца пра больш познюю (пасля здымкі) дату перадачы вырабаў у Мінску ці на перасылку Еўрапоштай (за кошт майстра). Абавязкова пазначце неабходнасць больш позняй перадачы вырабаў у заяўцы, і мы з вамі звяжамся абмеркаваць такую магчымасць
Так, калі вы абралі пакет “Напоўніцу” і хочаце атрымаць не толькі фота вырабаў, але і партрэтныя фота разам з вырабамі. Для іншых пакетаў такая магчымасць не прадугледжана. Выключэнне складаюць фларысты, якія ствараюць кветкавыя кампазіцыі акурат падчас здымкі.
Так, кожны майстар, які прымае ўдзел у фотадні, мусіць аплаціць 50% ад кошту абранага пакету, каб захаваць за сабой месца на пэўную дату. Колькасць месцаў абмежаваная!
Не, пакуль мы прапануем прадметную здымку вырабаў у лакацыях фотастудыі з натуральным асвятленнем. Альбо здымку майстра з вырабамі, які можа выступаць таксама і мадэллю. Але калі будзе такі запыт, мы разгледзім варыянт асобнага формату калабарацый майстроў і дызайнераў з прыцягненнем да праекту фотамадэляў.
Запоўніце заяўку – і мы звяжамся з вамі, каб абмеркаваць дэталі:
© 2023 ALOVAK