Па-рознаму. Адметнасць фотадня ў тым, што мы ствараем кампазіцыі з вырабамі розных майстроў і фларыстаў у адным кадры. Але мы абавязкова ўдзляем увагу кожнаму вырабу. Па выніку вы атрымаеце заяўленую ў абраным вамі тарыфе колькасць апрацаваных здымкаў з вашымі вырабамі. 

У залежнасці ад абраных пакетаў у адным фотадні можа ўдзельнічаць ад 5 да 8 майстроў. У выпадку, калі з нейкай прычыны не назбіраецца мінімум 5 майстроў на пэўную дату, мы вернем вам перадаплату ці перанясём вашу здымку на іншы дзень.

Мы намагаемся аддаваць гатовыя фотаздымкі як мага хутчэй, але не пазней чым праз 14 дзён пасля здымкі. Адзначым таксама, што мы аддаём толькі адабраныя і апрацаваныя фатографам кадры. Зыходнікі мы не высылаем.

Вырабы, якія будуць удзельнічаць у здымцы, трэба прывезці ў лакацыю, дзе будзе праходзіць фотаздымка  – час і месца мы агаворым з вамі пры афармленні заяўкі.

!Важна не спазняцца! Іначай мы проста не паспеем адзняць вашыя вырабы.

• Калі вы з нейкай прычыны не зможаце трапіць на здымку і паведаміце пра гэта мінімум за 2 дні, мы вернем вам перадаплату ў поўным аб’ёме або перанясём ваш удзел на іншую дату. 
• Калі вы з нейкай прычыны не зможаце прыйсці ці адправіць свае вырабы на здымку і паведаміце пра гэта менш чым за 2 дні, перадаплата не вяртаецца (але ў вас ёсць шанец знайсці сабе замену). 
• Калі вы проста не з’яўляецеся на здымку, вы або аплочваеце 100% абранага загадзя пакету, або трапляеце ў чорны спіс “Алоўка”.