Skip to content (Press Enter)
ALOVAK

ALOVAK

Анлайн-часопіс для творчых людзей

  • Творчыя людзі
  • Творчы бізнэс
  • Натхненне
  • Майстар-класы
  • Ідэі падарункаў
  • Падкаст
  • Вялікдзень
  • Пра часопіс
  • Кантакты
  • Падпісацца на абнаўленні
  • Bel
    • Bel
    • Rus
  • Пра часопіс
  • Кантакты
  • Падпісацца на абнаўленні
  • Bel
    • Bel
    • Rus
ALOVAK

ALOVAK

Анлайн-часопіс для творчых людзей

  • Творчыя людзі
  • Творчы бізнэс
  • Натхненне
  • Майстар-класы
  • Ідэі падарункаў
  • Падкаст
  • Вялікдзень
Home>

цырульніцтва

29.04.2023

Цырульніцтва і пісьменніцтва ў творчасці Сяргея Календы

ALOVAK любіць пісаць пра незвычайныя спалучэнні розных творчых тэхнік ці нават зусім розных творчых заняткаў у асобе аднаго майстра. Сёння …

alovakmag

Пра творчасць і для творчых людзей
Гэты год падарыў мне вяліку Гэты год падарыў мне вялікую радасць - я асэнсавала, што магу дапамагаць беларускім майстрам у развіцці іх крафтавых праектаў не толькі сваімі матэрыяламі, але і канкрэтнаю справаю 🙌 Вось ужо больш за 9 гадоў я ствараю гэтую старонку - і ўвесь гэты час пільна назіраю за тым, як развіваецца Art&Crafts сфера ў Беларусі, размаўляю з майстрамі і дызайнерамі, адсочваю трэнды і выяўляю болі творчых людзей. З самага пачатку існавання Алоўка я рабіла самыя розныя фотаздымкі для матэрыялаў, а год таму я па-сапраўднаму захапілася светам прадметнай і канцэптуальнай фатаграфіі. Я прыдумала і рэалізавала #фотадзень_ад_alovak, у рамках якога здымала вырабы ручной работы таленавітых беларускіх майстроў. А цяпер гатовая прапанаваць вам індывідуальныя здымкі ✨ Падрабязней пра віды здымак, якія я магу правесці для вас - у слайдах допіса. Увесь кастрычнік дзейнічаюць спецыяльныя кошты, таму паспяшайцеся запісацца і я з радасцю правяду здымку для вас.
Я вырашыла і сёлета далучыц Я вырашыла і сёлета далучыцца да сусветнай супольнасці і зладзіць свой, беларускі творчы чэлендж #аловакастрычнік! Запрашаю вас далучацца і пражыць гэты месяц гэтак жа адметна, як гэта мы зрабілі ў 2023-м! Сутнасць чэленджу ў тым, каб штодзень у кастрычніку маляваць, выразаць, ляпіць, вязаць, вышываць ці нешта вырабляць на зададзеную тэму – на кожны дзень гэта будзе адно прыгожае беларускае слова з майго спісу (на першым слайдзе). Памятайце, што гэта не конкурс, і не марафон на выбыванне. Гэта творчы варушняк, у якім усе застаюцца ў плюсе. Усё вельмі проста: ✅ Стварайце ў кастрычніку работы на тэму прапанаваных мною слоў (спіс на першым слайдзе допіса), ✅ Публікуйце іх з назвай тэмы і хэштэгамі #аловакастрычнік і #аловакастрычнік2024 - у допісах ці праз адмысловую форму шаблона ў сторыз - я буду яе публікаваць кожны дзень. Сачыць за ўдзельнікамі можна будзе праз хэштэг, шаблон-сторыз, ну і, вядома, падпісаўшыся на іх. Сябры, далучайцесяда чэленджу - я таксама буду ўдзельнічаць са сваімі фотаздымкамі! А таксама заклікаю вас падтрымліваць удзельнікаў сваімі падабайкамі і добрымі словамі - гэта вельмі натхняе і дапамагае ♥️ Ну што, хто са мной? Хто гатовы ўключыць творчасць на максімум у гэтым кастрычніку?
Вітаю, сябры! Гэта я, Кацярына, заснавальніца Алоўка, і я хачу з вамі падзяліцца навінамі і пераменамі, якія чакаюць наш любімы Аловак. Аловак заўжды дапамагала ствараць цэлая каманда творчых людзей, але за ўсімі матэрыяламі заўжды стаяла я. Я шчыра ўдзячная кожнаму і кожнай, хто падарыў часцінку сваёй душы Алоўку! За 9 гадоў яго існавання я вырасла, назапасіла шмат ведаў, развіла сваю экспертнасць, знайшла ўлюбёную справу - і гатовая ўсім гэтым працягваць дзяліцца з вамі. Але крыху ў іншым фармаце. Рэч у тым, што з ліпеня гэтага года ў Беларусі памянялася заканадаўства, і цяпер, каб нешта рэкламаваць, адзначаць акаўнты майстроў, трэба быць у рэестры рэкламараспаўсюджвальнікаў. Але Аловак ніколі не займаўся платнай рэкламай! Быў час, калі я думала развівацца ў гэтым кірунку, але да справы так і не дайшло. За ўсе гады існавання Алоўка я не атрымала ні рубля за рэкламу - ні майстроў, ні падзей, ні мерапрыемстваў. Усе падборкі і артыкулы ствараліся тут ад вялікай любові да ручной работы і творчасці. Аловак заўжды быў валанцёрскім праектам, таму быць у гэтым Рэестры мне падаецца нелагічным. Пры такіх умовах працягваць весці гэты праект, як раней, становіцца немагчымым. Думкі пра гэта мяне спаралізавалі на два месяцы, але ўрэшце я адчула, што знайшла шлях. ❗️Ад сённяшняга дня @alovakmag - гэта не камандны праект, а мой асабісты. У такім выглядзе я змагу: 🔆працягваць пісаць пра мерапрыемствы, якія наведваю (рэпартажы з выставаў і кірмашоў заўжды рабіла я сама), 🔆пра прыгожыя і якасныя вырабы майстроў, якія мне сустракаюцца (у мяне ў захаваных столькі прыгажосці!), 🔆пра юрыдычныя нюансы вядзення рамеснай дзейнасці ў Беларусі (між іншым, я юрыстка па адукацыі), 🔆дзяліцца сваімі парадамі адносна прасоўвання крафтавых праектаў (9-гадовы досвед за плячыма!), 🔆публікаваць свае фота вырабаў ручной работы (апошняе маё захапленне і новы занятак!). Але без дзейных спасылак на акаўнты майстроў. ⁉️Што думаеце, сябры? Ці застаяцеся са мною ў новым фармаце? Пакіньце мне, калі ласка, нейкі смайлік❤️ ці колькі слоў у каментарах, калі падтрымліваеце мяне ў маім рашэнні. Я дагэтуль вельмі хвалююся і перажываю. Фота riba.driba
Дзясяты #фотадзень_ад_alovak п Дзясяты #фотадзень_ад_alovak па-сапраўднаму выйшаў за межы Мінска! Калі раней майстры з іншых гарадоў і мястэчак удзельнічалі ў здымках эпізадычна, то на гэты раз вырабы прыехалі са Шчучына, Ліды і Стоўбцаў! Пакуль майстры займаліся сваёй працай, вырабы-вандроўнікі трапілі на фотасесію і паспяхова вярнуліся пасля яе назад 🔥 З радасцю дзелімся вынікамі фотадня і знаёмім вас з яго ўдзельніцамі: 🌟 На першым фота - мішка майстрыцы @tatian.toys. Таццяна стварае цацкі ў розных тэхніках - тэдзі, вязаныя, а нядаўна паспрабавала сябе і ва ўпрыгожаннях. 🌟 Вера са Стоўбцаў @vera_kramko і яе далікатныя бісерныя жгуты. 🌟 Вольга са Шчучыну @olga.makrame і яе фактурныя сумкі ў тэхніцы макрамэ. 🌟 Ірына з Мінску @irisdart і яе касмічныя ўпрыгожанні з тытану. 🌟 Юлія з Ліды @yuka.juka і яе ўтульныя ільняныя цацкі. На слайдах – малая частка фота, якія атрымаліся ў выніку. Як вам, сябры? Калі вам падабаецца наш фатаграфічны праект і яго вынікі, будзем удзячныя за вашыя каментары і сардэчкі пад допісам! ❤️ Сачыце за абвесткамі ў ліпені, каб даведацца, якія змены чакае фотадзень, і калі пройдзе наступны 🙌
Нядаўна пабачыла свет новае выданне кнігі Яна Баршчэўскага “Шляхціц Завальня, або Беларусь у фантастычных апавяданнях”. Ілюстрацыі да кнігі стварыла мастачка @liza_liankevich_art, што ставіць гэты твор побач з “Новай зямлёй” Якуба Коласа і “Палескімі рабінзонамі” Янкі Маўра, па-майстэрску праілюстраванымі Лізаветай у той жа стылістыцы. Пра канцэпцыю і этапы працы над кнігай нам расказала сама мастачка - чытайце на нашым сайце. Выдавецтва @papury.bel_new, 2023. #кніжная_ілюстрацыя #беларускія_ілюстратары #лізаветалянкевіч
Сёння спаўняецца ажно 100 гадоў Васілю Быкаву! Мы ўжо распавядалі раней пра тое, што наш славуты пісьменнік умеў і любіў маляваць, а сёння дзелімся з вамі 20+ работамі творцаў, натхнёнымі асобай і творчасцю Васіля Быкава. А які ваш улюбёны твор юбіляра?
Паказаць больш... Падпісацца

Follow us

Даведвайцеся пра публікацыі ALOVAK першымі

Пазначце адрас сваёй электроннай пошты, каб атрымліваць паведамленні пра новыя матэрыялы на сайце. Іх не будзе шмат, можна не хвалявацца.

© 2015-2021 ALOVAK magazineMetro Magazine | Developed By Rara Theme. Powered by WordPress.