Усе мы прывыклі выкарыстоўваць духмяныя травы на кухні. Але ці ўмеем мы правільна гэта рабіць, не кідаючы іх у «кіпячыя» рондалі? Бо высокія тэмпературы часта амаль цалкам мяняюць смак вострых прапраў і робяць іх актыўныя рэчывы бескарыснымі. І на гэты выпадак у нас ёсць рашэнне! Аўтарская прыправа сваімі рукамі: духмяная і карысная.
Тэкст: Іріна Агейчык
Фота: Дар’я Уласова
Каб атрымаць ад раслін карысць па максімуму, мы можам лёгка дадаць іх да солі, перцу, падсалоджвальнікаў, прыпраў, насення і зерня, якія выкарыстоўваем пастаянна. Давайце прыгатуем сваю зялёную духмяную сумесь самі.
Нам спатрэбіцца:
- 1/2 шклянкі ільнянога насення,
- 2 ч.л. сушаных кветак настуркі,
- 1 ч.л. сушанага насення салеры (тут будзьце вольнымі, калі не знойдзеце насення, можна выкарыстоўваць сушаныя карняплоды або сцябліны),
- 1 ч.л. сушанай пятрушкі,
- 2 ч.л. сушанага лісця маліны,
- 2 ч.л. парашка з сушанай цыбулі (падыдуць і цыбуліны, і сцябліны),
- 1 ч.л. сушанага чабора,
- 1/2 шклянкі гімалайскі солі (калі яе ў вас няма, вазьміце марскую, яна сапраўды больш карысна класічнай паваранай).
Працэс
Усе інгрэдыенты трэба перамалоць у блэндары да патрэбнай кансістэнцыі.
Далей проста раскладзіце па чыстых шкляных слоічках і захоўвайце ў сухім прахалодным месцы.
Выкарыстоўвайце гатовую сумесь як фінальны штрых для асноўных страў, гародніны і яек.
Смачна есці!
Іншыя рэцэпты з праекта “Акварэльныя рэцэпты” шукайце тут – http://alovakmag.by/be/tag/akvarelnyya-retsepty