• Пра часопіс
  • Кантакты
  • Падпісацца на абнаўленні
  • Bel
    • Bel
    • Rus
ALOVAK magazine

ALOVAK magazine

Анлайн-часопіс для творчых людзей

  • Творчыя людзі
  • Творчы бізнэс
  • Натхненне
  • Майстар-класы
  • Ідэі падарункаў
  • Падкаст “СВАІМІ РУКАМІ”
Home > пруткі

14.06.2022

Творчы слоўнік: вязанне па-беларуску

Супольна з моўным праектам “Пакрысе” і майстрамі ў розных галінах творчасці ALOVAK распачынае новую рубрыку – “Творчы слоўнік”. Тут мы …

Instagram


Пісьменніца і перакладчыца
Пісьменніца і перакладчыца Ганна Янкута @hanna_yankuta – наша новая творчая гераіня. Яна напісала інтрыгоўныя гісторыі пра ката Шпрота і Марту з яе марай пра снег, а таксама пераклала на беларускую мову “Пыху і перадузятасць” Джэйн Остэн, “Нармальныя людзі” Салі Руні, “Не адпускай мяне” Кадзуа Ісігуры і шмат чаго яшчэ. Ганна расказала пра свой шлях да літаратуры праз пераклад і падзялілася планамі на будучыню і думкамі пра сучасны літаратурны працэс. Дзякуем за дапамогу ў падрыхтоўцы інтэрв’ю кніжнаму выдавецтву @papury.bel, а за цудоўныя здымкі – фатографцы @klacayu_po_fotiku. Аліна спецыяльна для ALOVAK сфатаграфавала Ганну ў Варшаве ❤️ 👉 Актыўная спасылка на публікацыю – у нашым профілі. А ў галерэі – больш фота і самыя цікавыя цытаты з інтэрв’ю. #alovakmag #alovakmag_герой #пісьменніца #літаратура #кнігі #кнігідлядзетак #пераклад #перакладнаялітаратура

Сёмы выпуск падкаста “СВАІ
Сёмы выпуск падкаста “СВАІМІ РУКАМІ” апублікаваны! Яго гераіня – мастачка-керамістка, стваральніца мінскай керамічнай майстэрні-студыі “Залеплю” @zaleplu Таня Рудзеня @rudzenika. У 2020 годзе, перад пачаткам пандэміі і ўсіх наступных крызісаў, якія нас чакалі наперадзе, Таня пераехала ва ўласную майстэрню ў Паўночным завулку. Гэта быў складаны перыяд, але яна дала рады і здолела запусціць рухавік, дзякуючы якому кераміка “Рудзеніка” і цяпер працягвае цешыць беларусаў у Беларусі і за яе межамі. Мы пагаварылі з Таняй пра гэта, пра яе творчы шлях, а таксама пра тое, як заставацца ў бадзёрым і працоўным настроі ў наш няпросты час. Шчыра дзякуем @alena_drozdova_lafoto за тое, што сфатаграфавала Таню спецыяльна для СВАІМІ РУКАМІ! Новы выпуск можна паслухаць на нашым сайце, а таксама на самых папулярных платформах для падкастаў - Apple Podcasts, Google Podcasts,Castbox, Яндекс.Музыка і іншыя. Спасылкі – у профілі. Прыемнага праслухоўвання, і не забывайце дзяліцца сваімі ўражаннямі ❤ #падкастСваіміРукамі #alovakmag #падкаст #подкастбеларусь #пабеларуску #беларускаямова

Супольна з моўным праектам
Супольна з моўным праектам @pakrysie і майстрамі ў розных галінах творчасці ALOVAK распачынае новую рубрыку – #творчыслоўнік. Тут мы будзем публікаваць тэматычныя слоўнічкі прафесійных выразаў і тэрмінаў, каб творчыя людзі самых розных заняткаў маглі браць іх на ўзбраенне, ужываць у сваім маўленні і ў допісах у сацыяльных сетках. А пачнем мы з вязання. Шчыра дзякуем за ілюстрацыі да сайту і сторыз Вікторыі @vika_pisha. Наш слоўнік цяпер не толькі карысны, але і прыгожы! ❤️ За дапамогу ў падрыхтоўцы спіса тэрмінаў дзякуем вязальніцам @elena_nerpina і @tango.knits, а за этнаграфічныя падказкі - @nastassia_glushko. Прызнайцеся, што некалі і вам даводзілася сумнявацца, як па-беларуску будзе "крючек" ці "спицы", "лицо" ці "изнанка"? Як правільна: прадзіва, пража ці ніткі? У гэтым тэматычным слоўнічку мы сабралі самыя ўжываныя вязальніцамі словы з нашымі моўнымі рэкамендацыямі, заснаванымі на слоўніках і жывым маўленні беларускіх майстрыц. 👉 У каруселі гартайце скарочаны слоўнічак, а поўны ілюстраваны выпуск творчага слоўніка пра вязанне шукайце па спасылцы ў шапцы профілю. Таксама сачыце за нашымі сторыз - ілюстрацыі будуць і там. Ёсць пытанні, а можа мы забыліся на нейкі важны тэрмін? Пішыце ў каментарах! А таксама пазначайце, які кірунак творчасці абраць наступным для новага творчага слоўніка. #alovakmag #беларускаямова #зробленаўбеларусі #беларускіінстаграм #творчасць #рукімайстра #пабеларуску #вязанне


Эн Вуд @woodlucker– палова творчай каманды Woodlucker. Эн заснавала яе разам з мастаком па дрэву Дынам Лакерам @deanlucker у далёкім 1987 годзе, пасля заканчэння каледжа мастацтваў і дызайну ў Мінеапалісе. Мастачка стварае з паперы і дроту кветкі, садавіну, гародніну і насякомых настолькі рэалістычна, што трэба прыглядацца, каб зразумець, што яны не сапраўдныя. Эн вырасла на ферме у цэнтры ЗША, яе тата вырошчваў сельскагаспадарчыя культуры і гадаваў жывёлу. “Як толькі я прачыналася раніцай, выбягала ў сад паглядзець, ці выраслі расліны за ноч. Маё шанаванне прыроды сфармавалася ў раннім узросце”, – кажа мастачка. Калі Эн было 12, мама пафарбавала яе пакой у белы колер і дала дзяўчынцы ўласны набор фарбаў. Кожныя выходныя Эн гадзінамі малявала птушак на столі і жывёл і раслін на сценах. «Гэта сапраўды дазволіла мне думаць маштабна», – лічыць мастачка. Цяпер Эн натхняецца раслінамі, якія ўжо сама вырошчвае ў сваім садзе, а таксама старымі батанічнымі атласамі і гравюрамі. На стварэнне кожнага вырабу сыходзіць ад чатырох дзён да тыдня, кажа мастачка, адзначаючы, што значную колькасць часу займае назіранне за раслінамі. Эн называе свой метад творчасці “маляваннем нажніцамі” і кажа, што менавіта папера дазваляе ёй ствараць такія розныя тэкстуры – разрэзы становяцца аб'ёмнымі лініямі малюнка, а алоўкі і фарбы дапамагаюць дэталізаваць і дадаць разнастайнасці матэрыялу. Прыгажосць прыроды зменлівая і хуткаплынная. І мастацтва Эн кажа пра гэта. Мастачка працуе з рэалістычнымі формамі не для таго, каб дубляваць, а інтэрпрэтаваць хараство прыроды: “Я спрабую захаваць разнастайнасць і сутнасць раслін, але не з мэтай паўтарыць, а каб стварыць іншую рэальнасць, даць гледачу магчымасць зірнуць на ўсё інакш”. У сторыз пакажам буйным планам некаторыя працы Эн, яе працоўнае месца, а таксама працы яе спадарожніка па жыцці і творчасці Дзіна Лакера, не прапусціце! #натхненнеalovak #alovakmag #папяровысвет #творчасць #беларускіінстаграм


Сёння ALOVAK публікуе гісторыю пра тое, як выпускніца юрфака набыла фоташколу і развіла яе ў паспяховы творчы бізнэс. З чаго ўсё пачыналася, якія выпрабаванні давялося перажыць за час апошніх крызісаў і ў чым сакрэт даўгалецця фоташколы BLENDA @blenda_minsk – пра гэта нам распавяла ўладальніца фоташколы, арганізатарка фотатураў і заснавальніца фотастудыі @blenda_photostudio Ірына Козел @irochka.k 👉 Спасылка на інтэрв’ю ў профілі. У каруселі – традыцыйна некалькі самых яркіх цытат з інтэрв'ю! #alovakmag #alovakmag_герой

Мастачка Анук Пантавола @pant
Мастачка Анук Пантавола @pantovola.art стварае не проста лялькі, а сапраўдныя арт-аб'екты. Яе творы апавядаюць пра чароўныя казкі і магічныя сусветы, забытыя гісторыі і таямніцы. У кожнай скульптуры, ляльцы ці карціне Анук шмат элементаў і фактур – іх можна разглядаць бясконца! Анук нарадзілася ў Нідэрландах і вывучала выяўленчае мастацтва ў Арнеме, лялькі пачала ствараць у 2015 годзе, калі жыла ў лодцы на канале ў Лондане і ў яе не было шмат месца для творчасці. Pantovola – гэта псеўданім, які склаўся з 3 любімых слоў мастачкі: Pantoffel: традыцыйныя хатнія тапачкі ў Даніі; Tovenaar: чараўнік на датскай мове; Pavlova: любімы дэсерт Анук. Мастачка збірае вінтажныя тканіны і выкарыстоўвае іх ў сваёй працы – “Чым старэй і пашкоджаней тканіна, тым лепш”. Таксама Анук малюе па невыбеленай бавоўне, вышывае, асобныя элементы скульптур стварае з пап’е-машэ. Анук захапляецца фальклорам, а таксама піша казкі пра істотаў, якіх шые. Яна стварае як вялікія аб’екты, так і мініяцюры. “Я нецярплівая, таму я раблю свае фігуркі Pantovola Petit, яны ажываюць ад ідэі да гатовай лялькі за кароткі прамежак часу, і гэта сапраўднае задавальненне”. Мастачка не любіць грошы, але разумее, што яны патрэбныя для існавання. Яна цікава кажа пра неабходнасць зарабляць грошы: “Калі справа тычыцца продажу маёй працы, я мушу быць практычнай, то надзяваю свой 'real world hat' (“капялюш рэальнага свету”). Але калі ствараю, то пакідаю яго недзе далёка ад вачэй”. Анук раіць творцам-пачаткоўцам глядзець у сябе, на тое ўнікальнае, што ў вас ёсць, і не дазваляць сацсеткам адцягваць вас ад гэтага. Не параўноўваць сябе з іншымі. “Вы – гэта адзіны чалавек, хто можа стварыць тое, што ствараеце ВЫ, то факусуйцеся на гэтым. І трымайцеся сябе, нават калі ўсе вакол кажуць, што вашы мары стаць мастаком дурныя. Яны не дурныя, яны чароўныя, а таксама дасягальныя”. Анук Пантавола пра мастацтва: “Гэта жыццё. Гэта кроў, якая робіць нас людзьмі, таму што ў нашых творах мы адлюстроўваем тое, хто мы і як успрымаем навакольны свет. Мастацтва надае сэнс нашаму жыццю. Я лічу, што гэта так жа важна, як ежа, вада і кісларод”. 👉 Больш фота ў сторыз! #натхненнеalovak #alovakmag


Загрузіць болей


Падпісацца

Follow us

Даведвайцеся пра публікацыі ALOVAK першымі

Пазначце адрас сваёй электроннай пошты, каб атрымліваць паведамленні пра новыя матэрыялы на сайце. Іх не будзе шмат, можна не хвалявацца.

© 2015-2021 ALOVAK magazine