2022 год блізіцца да заканчэння, сабралі для вас розныя творчыя календары на беларускай мове на 2023 год, якія сёлета падрыхтавалі нашы мастакі і дызайнеры. Прагледзьце нашу падборку календароў на 2023 год і выберыце нешта для сябе і сваіх блізкіх!
“Лёгкая мова” – адрыўны каляндар-слоўнік на 2023 год
Гэта штодзённы адрыўны каляндарык, на кожнай старонцы – яскравая карцінка, слова на беларускай мове, пераклад на расейскую і прыклад ужывання. Сёлета, акрамя абсалютна новых і самабытных беларускіх словаў, фразеалагізмаў, прымавак і цытатаў, распрацоўшчыкі дадалі і хуткамоўкі! Каляндар можна паставіць на стол ці павесіць на сцяну.
Зрабіць перадзамову можна, запоўніўшы фому па спасылцы ў шапцы профілю @lohkaja_mova.
Каляндар 2023 “Беларусь – гэта святое”
Каляндар на 2023 год “Беларусь – гэта святое” з малюнкамі Паўла Севярынца можна набыць у краме @kroplia.by. Кожны месяц вы знойдзеце ў ім актуальныя цытаты, аўтарскія ілюстрацыі вядомых беларускіх храмаў, а таксама каляндарную сетку.
Фармат А4, глянцавая папера, ёсць дзірачка для падвешвання.
“Наш каляндар” на 2023 год
З 2015 года гэты насценны каляндар быў традыцыйным падарункам на Каляды для многіх беларусаў. І сёлета ён зноў выйшаў з яркімі малюнкамі і словамі на кожны дзень. Студзень, напрыклад, прысвечаны сузор’ям і фазам месяца.
Набыць беларускі каляндар можна ў краме выдаўца Цымберава Р.М., @cudounia і knihi.by.
Каляндар ад Надзеі Леановіч
Каляндар фармата А4 з яркім жывапісам мастачкі Надзеі Леановіч, у якой мы сёлета бралі інтэрв’ю. Наклад усяго 25 асобнікаў, то варта паспяшацца замовіць яго непасрэдна ў мастачкі.
Беларускі бестыярый 2023
Каляндар “Беларускі бестыярый” выходзіць ужо чацвёрты год запар – тэма беларускіх міфаў і легендаў працягвае быць папулярнай. Сачыце за абвесткамі, дзе яго можна будзе набыць, у аўтара, мастака Яўгена Ката.
Насценны каляндар 2023 “Пад зорным небам Беларусі”
Фотаздымкі з неверагоднымі краявідамі Беларусі ад беларускага фатографа і астранома Віктара Малышчыца, з апісаннем мясцовасці і са словамі надзеі са Святога Пісання – гэта беларускі каляндар “Пад зорным небам Беларусі”. Незвычайны фармат календара (20 на 25 см) дазволіць змясціць яго ў самым кампактным месцы; але дзякуючы вялікім лічбам вы ўсё зможаце разгледзець здалёк. У календары пазначаныя асноўныя рэлігійныя і дзяржаўныя святы. Набыць можна ў краме @kroplia.by.
Каляндар на 2023 год ад Ліліі Бусаравай
Каляндар з малюнкамі Ліліі Бусаравай @liliya_busarova не пакіне абыякавымі тых, хто адчувае цеплыню вясковых даляглядаў і вечаровых сямейных пасядзелак. Ён стане цудоўным падарункам для вас і вашых блізкіх на Каляды, Новы год або зімовыя дні народзінаў.
Каляндар можна набыць на @wilma.knihi, @kniganosha.by, @kniger.byminsk ці заглянуць у кнігарню @lohvinau.by і @ragna.by.
Каляндар на 2023 год з фотаздымкамі Паўла Ганчара
Чорна-белы каляндар фотамастака Паўла Ганчара @pavielhancar пасуе да любога, нават самага строгага, інтэр’ера дома ці офіса. Але будзе штомесяц выпраменьваць для вас цяпло дзіцячых усмешак, беларускіх святкаванняў, гарачыню летніх дзён на рацэ або халадок сняжынак у роце. Дакументальныя фотаздымкі Паўла вучаць нас з удзячначцю прымаць тое, што адбываецца вакол, кожны дзень жыцця.
Каляндар можна набыць на @wilma.knihi, @kniganosha.by, @kniger.byminsk ці заглянуць у кнігарню @lohvinau.by і @ragna.by.
“Страчаны Менск” – каляндар на 2023 год з замалёўкамі Марыі Каралёвай
Цудоўны каляндар з акварэлямі мастачкі Марыі Каралёвай @maryjkamam, малюнкі якой вы можаце памятаць з календара “Менск: горад і Сонца” на 2022 год і альбома “Вандроўкі-размалёўкі”, гэтым разам правядзе вас вуліцамі старога Менска, якімі мы самі ўжо не здолеем прайсці. На кожным разгароце календара – помнікі страчанай спадчыны горада і кароткае апісанне іх гісторыі. На ніжняй палове – зручны для планавання каляндар з буйной сеткай.
Аформіць пакупку можна на сайце выдавецтва @tn.by ці ў краме @shafa_gallery.
“Беларускае народнае адзенне” – каляндар на 2023
Каляндар на 2023 год з малюнкамі народных строяў мастачкі Вікторыі Багдановіч. У вас ёсць шанец кожны месяц вывучаць адметнасці беларускага народнага касцюма, атрымоўваючы асалоду праз хараство фактуры, колераў і арнаментаў. Мастачка адлюстравала іх у сваіх сшытках падчас экспедыцыі па Палессі і іншых мясцінах Беларусі. Чым гэта карысна і цікава? А хаця б тым, што, закахаўшыся ў беларускі народны строй, Кандзінскі вынайшаў… абстрактны жывапіс!
Набыць каляндар можна ў выдавецтве @tn.by.
Незвычайны каляндар на 2023 “Тэорыя струн”
Рэпетытарка, папулярызатарка фізікі па-беларуску і мастачка Святлана Волчак стварыла каляндар пра Тэорыю Струн. Гэта фізічная тэорыя, якая спрабуе аб’яднаць у адно 4 фундаментальныя ўзаемадзеянні: моцнае, слабае, электрамагнітнае і гравітацыйнае. Згодна з ёй у аснове будовы свету ляжаць “струны” і “браны”, і розныя ваганні струн з’яўляюцца рознымі элементарнымі часціцамі.
Каляндар можна бясплатна спампаваць тут і раздрукаваць самастойна, а можна звярнуцца да мастачкі, каб пазнаёміцца, заданэйціць, ці набыць друкаваны асобнік.
Настольны каляндар на 2023 ад сямейнай майстэрні Ageeva_artspace
Лаканічны каляндар створаны, каб натхняць вас кожны месяц на добрыя ўчынкі, увесці добрыя справы ў звычку. Складаецца з драўлянай падстаўкі 6*9 см і 12 лісткоў. Замовіць можна ў акаўнце сямейнай майстэрні @ageeva_artspace.
Настольны каляндар ад майстэрні Papera.vera на 2023
Яшчэ адзін цікавы настольны каляндар – дызайнерскі, з паперы ручнога ліцця і падстаўкі з дубу. У падстаўцы ёсць шчыліна для кожнага з 12 месяцаў. Замовіць можна наўпрост у майстэрні @papera.vera
Каляндар на 2023 з малюнкамі Дар’і Альперн-Каткоўскай
Каляндар ад беларускі з Ізраіля Дар’і Альперн-Каткоўскай можна ўмоўна назваць “Коцікі і кіты”. Карціны, якія ўпрыгожылі каляндар, можна доўга разглядць – столькі тут цікавых дэталяў і сэнсаў. Паспяшайцеся замовіць такі каляндар непасрэдна ў мастачкі праз гугл-форму.
“Кожны твой дзень” – адрыўны каляндар на 2023 год
Настольны адрыўны каляндар “Кожны твой дзень” дапаможа знайсці дарогу да сябе, падсвяціць вашы жаданні і падбадзёрыць на новыя дасягненні. Ён створаны для таго, каб кожны дзень дарыць вам радасць, натхняць і падтрымліваць.
Upd. Каляндар Yearee быў даступны і па-беларуску, але яго, на жаль, хутка раскупілі. На сённяшні дзень каляндар можна купіць толькі на рускай мове на @yearee.by.
Каляндар каталіцкіх традыцый “Пакліканыя да святасці” 2023
Насценны каляндар каталіцкіх традыцый, прысвечаны каталіцкім святым. У ім вы знойдзеце выявы святых, сфатаграфаваныя ў розных касцёлах нашай Бацькаўшчыны, і кароткія апісанні іх жыцця, а таксама некалькі вядомых беларускіх абразоў Маці Божай. Адместнасць календара – невялічкія абразікі з малітвамі да святых. Можна разрэзаць заднюю вокладку па пункцірных лініях – і атрымаецца восем абразікаў, якія заўсёды можна ўзяць з сабой. Каляндарная сетка ўключае ў сябе ўсе каталіцкія святы і ўрачыстасці на 2023 год, асноўныя праваслаўныя і дзяржаўныя святы, літургічнае чытанне з Евангелля на кожны дзень, апісанне каталіцкіх традыцый на кожны месяц, абазначэнне колерам літургічнага перыяду. Набыць каляндар можна на @kroplia.by.
“Песня пра зубра” – каляндар на 2023 год
Каляндар, прымеркаваны да 500-годдзя з выдання паэмы “Песня пра зубра” з ілюстрацыямі, гравюрамі, выявамі аўтарства розных мастакоў, прысвечаных асобе Гусоўскага і ягонай легендарнай паэме, якія дазволяць прачуць веліч даўніны. Буйная каляндарная сетка дапаможа зручна планаваць справы і не забывацца на важныя даты.
Выданне плануецца на студзень 2023 году: адкрытая перадзамова ў выдавецтве @tn.by.
“Беларускія пісьменнікі” – каляндар на 2023 год
Каляндар прысвечаны беларускім пісьменнікам, сярод якіх ёсць Уладзімір Караткевіч, Васіль Быкаў, Ян Баршчэўскі ды іншыя. Каляндар зроблены ў вінтажным стылі і будзе напамінам і натхненнем для прачытання твораў беларускіх аўтараў. Набыць каляндар можна на сайце imagopress.
Настольны каляндар 2023 “На Беларусі Бог жыве”
У настольным календары на 2023 год вы знойдзеце прыгожыя беларускія краявіды, а таксама выявы гістарычных помнікаў і святыняў, такіх як Будслаў, Гервяты, Сынкавічы, замак у Міры… Такую прыгажосць хочацца заўсёды мець перад вачыма на сваім працоўным стале, каб сярод штодзённых спраў спыняцца позіркам на нечым светлым, прыгожым, лёгкім. Пачатак тыдня: з нядзелі. На кожнай старонцы пазначаныя асноўныя каталіцкія, праваслаўныя і дзяржаўныя святы. А з адваротнага боку каляндарная сетка на ўвесь 2023 год, дзе спецыяльнымі колерамі пазначаныя каталіцкія святы. Набыць каляндар можна на @kroplia.by.
“Харугва гонару” – беларускі каляндар на 2023 год
Гэта каляндар са славутымі дзеячамі беларускай зямлі: Еўфрасінняй Полацкай, Кірылам Тураўскім, вялікім князем Вітаўтам, гетманам літоўскім Канстанцінам Астрожскім ды іншымі выбітнымі асобамі беларускай гісторыі. Набыць каляндар можна на сайце imagopress.
Каляндар “Родны край 2023”
Менскае выдавецтва “Беларусь” выпусціла беларускі адрыўны каляндар “Родны край” на 2023 год. Наклад календара 4000 асобнікаў. Склаў яго Аляксандр Дылейка.
На яго старонках:
– юбілейныя даты славутых беларусаў
– традыцыйныя абрады
– унікальныя прыродныя аб’екты
– рэцэпты народнай медыцыны
– стравы тутэйшай кухні
– вершы класікаў беларускай паэзіі
Набыць каляндар можна на @ragna.by.
Нішто не вечна, акрамя вечнага календара!
Вечны каляндар нездарма так называецца: ён будзе служыць свайму ўладальніку столькі, колькі той пажадае. Каляндар ніколі не зламаецца, не парвецца і не скончыцца.
Звярніце ўвагу на выраб ад @spool.studio, які добра ўпісваецца ў сучасныя інтэр’еры.
(C) ALOVAK