Брошкі на любы густ: падборка прац беларускіх дызайнераў

Брошка цяпер – гэта сучасны аксэсуар, які дазваляе надаць вобразу разынку і ненавязліва падкрэсліць індывідуальныя адметнасці сваёй гаспадыні. Прычым цяпер брошкі носяць не толькі на блузках ці каўнерыках, але нават на торбах і абутку! Іх можна насіць па некалькі адразу, камбінуючы разам, як шармы Пандоры. А яшчэ брошка – гэта ўніверсальная ідэя для падарунка, бо не патрабуе адмысловых ведаў пра будучую гаспадыню (ці гаспадара), але мае агромністы дыяпазон вобразнасці, які дазваляе выразіць розныя пачуцці і думкі. Істотна і тое, што кошт брошак пачынаецца ад 10 і сягае да 100 рублёў, таму кожны можа абраць сабе варыянт па бюджэту.

Беларускія майстры робяць брошкі з самых розных матэрыялаў: з дрэва, металу, палімернай гліны, скуры, фетру, бісеру, керамікі, пёрак і стыклярусу. А часам глядзіш на брошку – і цяжка зразумець, з чаго яна створаная. Адным чынам, мы вырашылі зрабіць падборку найцікавейшых брошак, якія робяць беларускія дызайнеры (а часцей – дызайнеркі). Але калі мы некага прамінулі, дадавайце сваіх улюбёных майстроў у каментарах!

Падборка: @alovakmag

@coven_art

Брошы Александрыі Лапуцкай цяжка адрозніць ад сапраўдных кветак і ягад, яны натхнёныя ілюстрацыямі батанічных даведнікаў і самой прыродай.

@divno.by

Гэты брэнд ужо 10 гадоў робіць упрыгажэнні з жывых раслінаў і эпаксіднай смалы.

@krasivodoma

Гэтыя брошкі з дрэва прыдумляе, распільвае і распісвае Ірына Бельская. Пра Ірыну і яе майстэрню можна пачытаць у ALOVAK.

@skydr

Такія брошкі з дрэва і керамікі распісвае Алена Нагорная.

@mila_ignatik

Міла Ігнацік ужо 10 гадоў стварае ўпрыгажэнні з японскай гліны Deco і дае майстар-класы па лепцы навічкам.

@marusia_simakova

Маруся Сімакова плавіць і выдзьмувае шкло, а з яго атрымліваюцца проста дзівосныя цуды!

@kahanovskaya.i

Ірына Каханоўская вышывае брошкі бісерам і робіць майкі з прынтамі сваіх брошак.

@sashaborscheva

Саша Баршчова стварае цветкавыя брошкі і люстэркі з дрэва. Пра яе ў нас на сайце ёсць цэлая творчая гісторыя.

@okpodolins

Гэта сямейны брэнд Алега і Каці Падоліных, якія ўжо 10 гадоў ствараюць пяшчотныя ўпрыгожанні з цяплом ручнога роспісу.

@rj_minsk

Майстар гэтага брэнда робіць упрыгожанні з палімернай гліны і партрэтныя брошкі – копіі сваіх гаспадынь.

@palujan.arts

Упрыгажэнні брэнда элегантныя і арыгінальныя, а кожны пост з аздобамі суправаджаецца афірмацыямі, якія майстар укладвае ў тую ці іншую брошку.

@stassy_inspiration

Анастасія Псеўкіна робіць араматычныя брошкі з дрэва і фетру, а яшчэ праводзіць майстар-класы па роспісу брошак акрылавымі фарбамі.

@tri_ses_tri

Тры сястры робяць упрыгожанні са шкла і ланцужкоў Swarovski.

@andistore_by

Гэта сямейная майстэрня ўпрыгожанняў, якія можна набыць з наяўнага асартыменту.

@karpilova

Брошкі гэтага брэнда падобныя на працы Пікаса – толькі ў індустрыі ўпрыгажэнняў. А ўсё таму, што іх стварае мастацтвазнаўца!

@aquarium.art

Брошкі гэтага брэнда з дрэва і ювелірнай смалы можна сустрэць на маркетах і выставах хэндмэйду.

@papa_tiff_on

Вітражныя брошкі ў тэхніцы тыфані з веткавымі матывамі і адсылкамі да сусветна вядомых твораў мастацтва.

@alenkizy

А ў гэтай майстэрні ствараюцца цікавыя брошкі: лясныя жыхары з кветкамі, пялёсткамі і зёлкамі.

@fancy_clover

Жывыя ўпрыгажэнні з яшчаркамі ды іншымі істотамі робіць дызайнерка Кацярына Фацеева.

@konichak

Сярод майстроў, якія ствараюць брошкі, крытычна мала мужчын. Тым цікавей знаходзіць цікавыя работы, створаныя мужчынскай рукой. Пагатоў, пра творчую сям’ю Змітра Васілеўскага мы пісалі ў асобным матэрыяле.

@black.cat.arts

Такія брошкі з аўтарскім роспісам стварае мастачка Таццяна Бань.

@muhomori_ka

Буслоў і цудоўныя раслінавыя брошкі гэтая дызайнерка стварае з тэкстылю.

@tach_st

Дызайнерка Таццяна Саковіч рэдка робіць такіх прыгожых экзатычных птушак, таму яны разлятаюцца, як гарачыя піражкі.

@lubimoe_remeslo

Дызайнерка Насця робіць упрыгожанні з засушаных раслін і эпаксіднай смалы, а назвай брэнда падкрэслівае, што гэта яе ўлюбёнае рамяство.

@businka_nastysha

Мастар Анастасія робіць брошкі ў бісеру на самыя розныя тэмы.

@chudibeads

Дызайнерка Аня з Мінска раней рабіла брошкі з бісеру і паетак, але зусім нядаўна перайшла на кераміку, і ў яе гэта цудоўна атрымаліваецца!

@bugs_bunny_xxl

Дызайнерка Таня робіць брошкі з кветкамі і адпраўляе іх па ўсім свеце.

@marysjalos

Марыся Лось робіць фірмовыя брошкі, вышываныя па ільну баваўнянымі ніткамі, бісерам, паеткамі. Пра яе мы ўжо пісалі ў рубрыцы “Творчыя людзі”.

@maqado

Аўтарская кераміка ў выглядзе брошак тут мае адметны нацыянальны каларыт.

@moorbowtie

Цяпер ўпрыгажэнні ствараюцца беларусамі і беларускамі па ўсім свеце. Гэтыя – у Партугаліі.

@yudo_katsiaryna

Кацярына Юдо стварае мілыя брошкі з керамікі.

@los.les

Упрыгажэнні з дрэву ад беларускага майстра, які жыве на хутары і натхняецца беларускай прыродай.

@oriori_store

Гэтыя ўпрыгажэнні са шкла і металу стварае прафесійная вітражыстка.

@heta_znak

Тут брошкі называюцца значкамі, бо брэнд кажа сам за сябе.

@woodbag.s

Арыгінальныя вышытыя драўляныя брошкі ад брэнда драўляных сумак.

@strekoza_brend

Вышытыя брошкі бісерам, паеткамі, пёркамі ды пухнатым футрам могуць упрыгожыць любы строй.

@nadya_kozhukh

Насця Кожух робіць вельмі пяшчотныя вясельныя ўпрыгожанні з палімернай гліны.

@margo_gorkovenko

Брошкі Марго Гаркавенка робіць з цудоўнай зефірнай гліны.

@karunki

Майстрыха Валянціна стварае карункавыя ўпрыгажэнні, натхняючыся мохам і лішайнікам.

@yuli.trefoil

Юлія – знаўца гісторыі і стваральніца брошак па розных гістарычных эпохах і творах мастацтва.

@pasha.molotkov

Цікавыя брошкі ў выглядзе розных кузурак: мурашак, жукоў, стракоз ды іншых насякомых.

@katya_novikovskaya

Цікавыя брошкі ў аўтарскай тэхніцы Каці Навікоўскай.

@mmkut_miensk

Завершым падборку брошкай ад крамы сувеніраў, бо як жа мы можам абмінуць сімвал беларускай мовы!

P.S. Нашы падпісчыкі  дасылаюць нам спасылкі на брошкі, якія вартыя быць уключанымі ў падборку – дзелімся і мы з вамі!

@brass_moon_accessories

Вераніка  робіць брошкі з самых розных матэрыялаў, для падборкі мы абралі гэтых мілых “чалавекаў-матылькоў” з буку і латуні.

@studio_vecher

Сямейная майстэрня Юлі і Косці робіць цікавыя брошкі з дрэва і смалы. Нам спадабаўся слонік:

@ursatextilestudio

Багдана Куталоўская мае мастацкую адукацыю і стварае тканыя і вышываныя прыгажосці, напрыклад, такую брошку:

@bioevgenika

Біёлагі, якія ператвараюць расліны з усяго свету ў вечнаквітнеючыя ўпрыгожванні:

@volya_handmade

Брошкі “Фрыда” з японскай гіны стварае дызайнер і ілюстратар Вольга Дзятко:

@skylark.by

Брошка Magnum Chaos нарадзілася з творчага беспадарадку сваёй аўтаркі.

@elena_nerpina

Майстрыца Алена Нерпіна вяжа і шые цацкі, а таксама стварае адметныя брошкі.

@svibovich.s_art

Святлана Свібовіч з Брэста стварае дзіўныя мастацкія сусветы і вось такія дзівосныя брошкі!

(с) ALOVAK

Раскажыце сябрам

Отправить ответ

Пакіньце першы каментар!

Leave a Reply

  Падпісацца  
Паведаміць пра